रोटरी क्लव अफ चितवन र आरसी योकोसुका जापानको टोलीबीच भएको फेलोसिप कार्यक्रम सम्पन्न भएको छ ।
शुक्रबार आरसी योकोसुका जापानसंग संयुक्त बैठक रोटरी सचिवालयमा सम्पन्न भएको थियो । कार्यक्रमको अध्यक्षता गर्दै रोटरी क्लब अफ चितवनका अध्यक्ष भानु शर्माले अतिथिहरूलाई स्वागत गर्नु भएको थियो ।
द्वितीय उपाध्यक्ष राजन पियाले ग्लोबल ग्रान्ट परियोजनाका सम्पन्न तथा चालू कार्यक्रमहरूको उद्देश्य र विवरण प्रस्तुत गर्नु भएको थियो ।
बैठकमा भविष्यमा रोटरी क्लब अफ चितवन र आरसी योकोसुका जापानले संयुक्त कार्यक्रम सञ्चालन गर्न सक्ने विषयमा छलफल भएको थियो ।
आरसी योकोसुका जापानबाट आउनुभएका प्रेसिडेन्ट यामास्सिता काजोओ, भाईस प्रैसिडेन्ट सुजुकी टाकाहिरो, सेक्रेटरी सुजुकी टोयो, भिपि इन्टरनेशनल सर्भिस कमिटि लौकनाथ वस्तीलाई मायाको चिनो र क्लब सोभिनिवर प्रदान गरिनुका साथै झण्डा साँटासाँट समेत गरिएको थियो ।
उक्त कार्यक्रममा क्लबको तर्फबाट अध्यक्ष भानु शर्मा, पूर्व अध्यक्षः ई भोजराज कौडेल, टिकाराम कँडेल, चन्द्रमान श्रेष्ठ, रोशन पिया, निर्वाचित अध्यक्ष रामचन्द्र अधिकारी, प्रथम उपाध्यक्ष गेहेन्द्र मान श्रेष्ठ, द्वितीय उपाध्यक्ष राजन पिया, कोसर्जेन्ट–एट–आर्म शोभा बराली, सदस्य गुणेश्वर महतो लगायतकौ उपस्थिति रहेको थियो ।