नवलपुरको दुर्गम क्षेत्र बुलिङ्टारमा  खानेपानी  तथा सरसफाइका लागि आज एक कार्यक्रमकाबीच सम्झौता भएको छ ।

रोटरी  क्लब चितवन  र गाउँपालिकाबीच सम्झौता भएको हो । चम्घा गाउँमा बिगत केही बर्षदेखि खानेपानीको लागि सरकारी तवरबाट  काम भएकोे थियो ।

प्रयाप्त बजेट अभाबको कारण अझै पूरा हुन नसकेको  र खसुवा गाउँमा  पुरानो र सानो संरचनाकै कारण  समस्या परिरहेको अबस्थालाइ मध्यनजर गरि रोटरी  क्लब चितवनको समन्वयमा जापानको योकोसुका रोटरी क्लब, रोटरी अन्तर्राष्ट्रिय  फन्ड र चितवन रोटरी  क्लब ,प्रदेश सरकार , बुलिङ्टार गा. वि. स को सहयोगमा सम्पन्न गर्ने सम्झौता भएको हो ।

उक्त  दुबै खानेपानी सम्पन्न भए पश्चात्  करिब १५० परिवारले सुबिधा पाउनेछन । सम्झौतामा  रोटरी क्लब चितवनका अध्यक्ष  भानु शर्मा र बुलिगटार गाउँपालिका अध्यक्ष इ. दिपेन्द्र  सुडारिले हस्ताक्षर  गर्नुभएको थियो ।

कार्यक्रमको अध्यक्षता रोटरी अध्यक्ष  भानु शर्माले गर्नुभएको थियो । शर्माले रोटरीले अन्तर्राष्ट्रिय रुपमा नै सफा खनेपानी र सरसफाइको काममा सहयोग गरिरहेको सन्दर्भमा यो स्थानमा काम गर्न अबसर दिनुभएको मा गा.बि.स अध्यक्ष एवं  समुदायलाई धन्यवाद  दिदै समयमा नै काम सम्पन्न गर्ने बाताबरणका लागि अनुरोध  गर्नुभयो ।

सो कार्यक्रममा जापानबाट आउनु भएका ४ जना रोटरीयन हरुले विभिन्न  जानाकारी लिदै   खुशी व्यक्त  गरेका थिए । कुल ४२५४६ डलर खर्च हुने उक्त परियोजना  १ बर्ष भित्र पुरा हुने चितवन  रोटरी  क्लब का उपाध्यक्ष एवं ग्लोबल ग्राउन्ड  परियोजनाका सम्योजक  राजन पिया र परियोजनाका  इन्जिनियर  गुनेश्वर महतोले बताउनुभयो ।

गा .बि. स अध्यक्ष  इ. दिपेन्द्र्‍ सुडारीले रोटरी क्लबले  दुर्गम क्षेत्रको यो ठाउमा सहयोग गर्न लागेकोमा धन्यबाद दिदै बिकास निर्माणका  काममा निरन्तरता दिएको जिकिर गर्नुभयो ।

औपचारिक  कार्यक्रम  पछि गा.बि. स अध्यक्ष  सहित सबै रोटरीयनहरुको टोलिले सम्बन्धित  खानेपानी मुहानमा स्थानीय जनसमुदायसंग भेट गरि छलफल  गरेका थिए ।  कार्यक्रममा रोटरी जापान योकोसुकाका अध्यक्ष यामासिता काजुओ,उपाध्यक्ष सुजुकी ताकाहिरो,सचिब सुजुकी तोयो,उपाध्यक्ष  अन्तर्राष्ट्रिय  सेवा सम्योजक लोकनाथ  वस्ती , चितवन  रोटरी क्लबका पुर्ब अध्यक्ष  रोशन पिया,निर्बचित अध्यक्ष  राममचन्द्र अधिकारी,उपाध्यक्ष गेहेन्द्रमान श्रेष्ठ ,उपाध्यक्ष राजन पिया,सहसचिब जनक ढकाल लगायत का रोटरियन हरुको सहभागिता थियोे  ।