(भ्यालेनटाइन डे)को अवसरमा भरतपुरको होटल ग्लोबलमा “प्रेमिल साँझ” हुने भएको छ । मिसन रेड र ब्लड डोनर्स सोसाइटीको संयुक्त आयोजनामा भोलि प्रेमिल साँझ हुन लागेको हो ।
प्रेमिल साँझमा राष्ट्रियस्तरका ख्यातिप्राप्त कलाकारहरु प्रकाश दुतराज, रचना रिमाल, प्रदीप रोदन, थानेश्वर गौतम, अर्पण तामाङ र डिजे निकको प्रस्तुती रहने ब्लड डोनर्स सोसाइटी नेपालका केन्द्रीय अध्यक्ष अर्जुन अधिकारीले जानकारी दिनुभयो । होटल ग्लोबल भरतपुरमा अपरान्ह ५ बजेदेखि ‘प्रेमिल साँझ’ सुरु हुनेछ ।
कार्यक्रममा सहभागीताका लागि टिकटको व्यवस्था गरिएको छ । जोडी भएर सहभागी जनाउनेका लागि रु. १५ सय र एक जनाका लागि रु. एक हजार रुपैयाँ प्रवेश शुल्क राखिएको अधिकारीले बताउनुभयो । उहाँले च्यारिटीमा रक्तदान कार्यक्रमको समेत आयोजना गरिएकाले सबैमा उपस्थितिका लागि आह्वान गर्नुभयो ।
ब्लड डोनर्स सोसाइटीले चितवनमा थुप्रै सामाजिक कामहरु गर्दै आइरहेको छ । रगतको अभाव हुन नदिन विभिन्न रक्तदानका कार्यक्रमहरु समेत गर्दै आइरहेको छ । चितवनमा हाल रगतको अभाव ३० प्रतिशत रहेको अधिकारीले बताउनुभयो । रगतका लागि पहिलोपटक मेचीमहाकाली अभियान सहित उत्प्रेरणा जगाउने कार्य समेत संस्थाले गरिसकेको छ ।
प्रेमिल साँझ कार्यक्रमका लागि झन्डै ७ लाख रुपैयाँ खर्च हुने र उठेको रकम सामाजिक कार्यमा खर्च गरिने आयोजकले जनाएको छ । प्रेमिल साँझ अबलोकनका लागि एक हजार जनाको सहभागीता रहने अपेक्षा आयोजकले लिएको छ ।