पशु सेवा विभागका महानिर्देशक डा. उमेश दाहालले कृषिमा बृहत् सम्भावना रहेको बताउनुभएको छ ।
पारदर्शी अनलाइन डटकमसंग संक्षिप्त कुराकानी गर्नुहुँदै दाहालले सरकारले कृषिका विभिन्न तहमा राज्यले जोड दिनुपर्ने बताउनुभयो ।
पशु र कृषिजन्य क्षेत्रमा राज्यले सहुलियतपूर्ण ऋणको व्यवस्था गर्नुपर्ने जिकिर गर्नुभयो । गाई तथा भैंसी पालनको संख्यामा बृदी गराएर दुधको उत्पादनमा जोडदिन सकिने बताउनुभयो ।
पशुसेवामा नेपाल आत्मनिर्भर भइसकेको अवस्थामा अब राज्यले बजारीकरणको व्यवस्था मिलाउन आबश्यक रहेको बताउनुभयो ।
नेपालमा कृषि पशुपंछीको लागि थुप्रै आधार भएको उदाहरण दिदै उहाँले गतबर्षको तुलनामा मात्रै साढे ३ अरब बराबरको छुप्री अमेरिका, चीन, जापान निर्यात हुने गरेको बताउनुभयो । यसैगरी १५ करोड बराबरको दुग्ध जन्य पदार्थ बाहिर निर्यात हुने गरेको बताउनुभयो । हाम्रो देशमा उत्पादित भैंसीको छाला झन्डै ४९ करोड बराबरको बाहिर निर्यात हुने गरेको बताउनुभयो ।
व्यवसायीक पशुपालनमा नयाँ प्रबिधीसहित अगाडि बढ्नुपर्ने सुझाव राख्नुभयो । माछामा समेत नेपाल आत्मनिर्भर बन्न सक्ने थुप्रै सम्भावना भएकाले उत्पादनमुखी क्षेत्रमा लाग्नुपर्ने बताउनुभयो ।
निर्वाहमुखी कृषि क्षेत्रमा लागेका किसानका लागि स्थानीय निकायले समेत प्रबर्द्धनमा जोड दिनुपर्ने बताउनुभयो ।
उहाँ बिगत १९ बर्षदेखि नेपाल सरकारको पशुचिकित्सक, वरिष्ठ चिकित्सक, सहसचिवको रूपमा र हाल पशुसेवा विभागको महानिर्देशक तथा प्रोजेक्ट डाइरेक्टर भएर काम गर्दै आइरहनुभएको छ ।
दाहालले पोल्ट्रीका क्षेत्रमा समेत क्रियाशिल भएर काम गर्दै आइरहनुभएको छ । प्रचारप्रसार, बजारीकरण, स्रोतसाधनको परिचालन आदि गराउन सकिएको खण्डमा पक्कैपनि कायापलट गर्न सकिने उहाँको भनाइ थियो ।
दृढ संकल्प र इच्छाशक्ति भएमा यस क्षेत्रमा बिचलन हुन नपर्ने उहाँको भनाइ छ । कृषि क्षेत्रमा चुनौती देखिए पनि सरकारले मुलुकलाई खाद्यान्न उत्पादनमा आत्मनिर्भर बनाउनका लागि विभिन्न कार्यक्रम अगाडि बढाएको दाहलले उल्लेख गर्नुभयो ।
नेपाल आर्थिक विकासको पूर्ण सम्भावना भएको मुलुक भएकाले ‘उत्पादन र उत्पादकत्व वृद्धि गर्न सकिएमा मात्रै विकास र समृद्धि सम्भव छ । कृषि, पर्यटन, ऊर्जा नै नेपालको आर्थिक विकासको सम्भावना बोकेका क्षेत्र हुन्,’ महानिर्देशक दाहालले भन्नुभयो । ‘
कृषकलाई खेतीकिसानी गर्नका लागि बैंक तथा वित्तीय संस्थाले विश्वास गर्ने बाताबरण अहिले नबनेको उल्लेख गर्दै दाहालले राज्यले नै यसको जिम्मा लिनुपर्ने धारणा राख्नुभयो ।