नेपाली कांग्रेस पूर्व आप्रवासी समन्वय बिभागको गण्डकी प्रदेस स्तरीय भेला आज सम्पन्न भएको छ ।
नेपाली कांग्रेसका केन्द्रीय सदस्य एवं पूर्व आप्रवासी समन्वय बिभागका प्रमुख दिनेश कोइरालाको सभापतित्वमा भएको कार्यक्रममा नेपाली कांग्रेसका नेता एवं केन्द्रीय सदस्य डा. शंसाक कोइरालाको प्रमुख आतिथ्यता रहेको थियो ।
सो कार्यक्रमलाई प्रमुख अतिथिका रूपमा सम्बोधन गर्नुहुँदै नेता कोइरालाले बिश्वभरी नेपाल फरक प्रकृतिको देश भएको बताउनु भएको छ ।
स्वदेशमा थुप्रै सम्भावना हुँदाहुँदैपनि स्रोत र साधनको अभावमा दक्ष जनशक्ति बिदेशीनुपर्ने बाध्यात्मक अबस्था बनेको तर्क गर्नुभयो ।
बिकास र समाजबाद उन्मुख विपि कोइराला नेपाली राजनीतिमा त्यागी र दुरदर्शी नेता भएको उदाहरण प्रस्तुत गर्दै उहाँले स्वदेश तथा बिदेशमा रहेका थुप्रै नेपाली युवाहरुको सीप क्षमता र अनुभवलाई आफ्नै देशमा लगानी गर्नुपर्ने बताउनुभयो ।
कार्यक्रममा अर्जुन जोशी, गुरु बराल, शारदा पौडेल, प्रदेश सभापति शुक्रराज शर्मा, पर्वत नेपाली कांग्रेस पूर्व सभापति नवराज गुरुङ, बिभाग सचिव शुभाष लोहनी बक्ताको रूपमा रहनुभएको थियो ।
त्यस्तै सदस्यहरू कृष्ण लम्साल, बिज्ञान प्रसाईं, पुर्ण कोइराला सहित गण्डकी प्रदेसका दश जिल्लाबाट ७० जना भन्दा बढी सदस्यहरुको सहभागीता छ । यो कार्यक्रम भोलिसम्म चल्नेछ । यस अगाडि लुम्बिनी, कर्णाली र बागमती प्रदेशको सम्मेलन सम्पन्न भइसकेको छ ।