माडी-३ का सिमराबासिले आउँदाे वर्षायाममा पनि झुलुङ्गे पुल तरेर रिउ खेला वारपार गर्न पाउने अनिश्चित देखिएकाे छ ।
निर्माणकाे चरणमा रहेकाे माडी-३ काे रतनी र सिमरा जाेड्ने झाेलुङ्गे पुलकाे कामकाे गति हेर्दा वर्षायाममा फेरिपनि कष्टप्रद अवस्था भाेग्नुपर्ने संकेत देखा परेकाे हाे । निर्माण पक्षले पेटि ठेकदारलाई काम लगाउँदा र पेटि ठेकदारले नियमित काम नगर्दा झाेलुङ्गे पुल निर्माण गर्न पटक पटक म्याद थप गर्दै ठेकेदारलाई सहज बनाउनुकाे बिकल्प देखिएकाे छैन ।
सस्पेन्सन ब्रिज डिभिजनले २०७८ मंसिरबाट निर्माण सुरु गरेको सो झोलुंगे पुल पेट्टी ठेकदारले काम छाेडेपछि बिचमा राेकिएकाे थियाे । २०८० मा दाेस्राे पटककाे म्याद थप गरेपनि कामले गति लिन सकेन । करिब साढे २ कराेड लागतमा बन्न लागेकाे साे पुल २३० मिटर लम्बाई र ३ फिट चाैडाइकाे हुने जनाइएकाे छ ।
माडी–३ का सिमाराबासिलाई वर्षातको समयमा एम्बुलेन्स, खाद्यन्नको गाडी, ट्याक्टर लगायतका चारचक्के गाडी वारपार गर्न पक्की पुल आवश्यक परेपनि झोलुङ्गे पुल निमार्ण गर्न लागिएको हाे । तैपनि ३ वर्ष लाग्दा समेत उक्त झाेलुङ्गे पुलले अझै पुर्णता पाउने छाँटकाँट देखिएकाे छैन । #PRD8111214