राष्ट्रिय संयुक्त संघर्ष समितिको अध्यक्षमा श्याम पौडेल चयन हुनुभएको छ ।
यही फागुन १८ गते चितवनमा भएको राष्ट्रिय भेलाले संयुक्त संघर्ष समितिको अध्यक्षमा पौडेललाई सर्वसम्मत चयन गरेको हो ।
उहाँ सामाजिक अभियन्ता एवं बिश्व हिन्दु युवा संघ चितवनको अध्यक्ष र पत्रकार समेत हुनुहुन्छ ।
पछिल्लो समयमा राजनैतिक, आर्थिक, धार्मिक तथा सामाजिक क्षेत्र अस्तव्यस्त बन्दै गएको र सिंगो राष्ट्र अराजकताको पराकाष्टमा पुगेको भन्दै राष्ट्रिय संयुक्त संघर्ष समिति नेपाल, चितवनले विश्व हिन्दु महासंघ चितवनका अध्यक्ष श्याम पौडेललाई संघर्ष समितिको अध्यक्ष जस्तो गरिमामय पदमा जिम्मेवारी दिएको हो ।
राष्ट्रियतालाई मजबुत बनाउने उद्देश्य सहित बैदिक सनातन हिन्दु राष्ट्र नेपाल निर्माण सहित स्वदेशमै रोजगारीको व्यवस्थाको लागि सञ्चालित आन्दोलनको नेतृत्वको रुपमा पौडेललाई चयन गरिएको पत्रमा उल्लेख गरिएको छ ।
श्याम पौडेल राजनीतिक, सामाजिक तथा व्यापारीक क्षेत्रमा समेत अब्बल मानिनुहुन्छ । पौडेल चितवनमा दर्जनौं संघसंस्थामा आबद्ध रहँदै आउनुभएको छ ।