भरतपुर खानेपानी व्यवस्थापन बोर्ड भरतपुर चितवनले आफ्ना उपभोक्ताहरुलाई समयमै खानेपानीको महशुल बुझाउन अनुरोध गरेको छ ।
यस बोर्डका केही ग्राहकहरुले लामो समयदेखि खानेपानीको महशुल भुक्तानी नगरेको भन्दै बोर्डले तत्काल भुक्तानी गर्न सूचना निकालेको हो ।
साथै यसै बोर्डका भुक्तानी रकम बुझाउन बाँकी रहेका ग्राहकहरुलाई कार्यालयमा सम्पर्क राखी यथाशिघ्र आफ्नो बक्यौता रकम भुक्तानी गर्न समितिले अनुरोध गर्दै आएको भरतपुर खानेपानी व्यवस्थापन बोर्डका प्रमुख संजय बरालले जानकारी दिनुभयो ।
अन्यथा त्यस्ता ग्राहकहरुको लाईन कट्टा गरी नियमानुसार कारवाही गरिने व्यहोरा समेत सूचित गरिएको उहाँको भनाइ छ ।
साथै यदि कसैले पानी दुरुपयोग गरेको थाहा भएमा ०५६- ४९३९१६, ४९३५७६, मा जानकारी गराईदिनुहुन बोर्डले अनुरोध गरेको छ । र जानकारी गराउने व्यक्तिको नाम गोप्य राखी कार्यालयको नियमानुसार प्रोत्साहन रकम उपलब्ध गराइने समेत बोर्डले जनाएको छ ।