ऋषिराज आचार्यद्वारा लिखित र निर्देशित नेपाली चलचित्र ‘द्रौपदी’ आगामी चैत्र ८ गतेबाट देशभरका सिनेमा हलहरूमा प्रदर्शन हुने भएको छ ।
आरबी मुभिजको ब्यानरमा निर्माण भएको यस चलचित्रमा आश्विनी शाही, रवि ओड, जेल्सन अधिकारी, सुजाता तिमल्सिना, कविराज भाम, प्रकाश ज्ञवाली, सीता बौडेल, बिस्णु ठडराई, सुरज अधिकारी, ऋषिराज आचार्य लगायतका कलाकारहरूको अभिनय रहेको छ ।
शनिबार चितवनमा पत्रकार सम्मेलनद्वारा प्रदर्शनीमा आउन लागेको द्रौपदी फिल्मबारे जानकारी गराइएको हो । कथा महाभारतको पात्र द्रौपदीमा आधारित छ कि नेपालको कुनै लोककथामा आधारित छ भन्ने कुरा अझै खुलाइएको छैन । ‘द्रौपदी’ चलचित्रको छायाङ्कन डोल्पाको शे फोक्सुन्डो लगायतका विभिन्न रमणीय स्थलहरूमा गरिएको छ । प्राकृतिक सुन्दरताले भरिपूर्ण यी स्थानहरूले चलचित्रलाई अझै आकर्षक बनाउने विश्वास गरिएको छ ।
निर्माताहरूले यस चलचित्रलाई अन्तर्राष्ट्रिय बजारलाई समेत मध्यनजर गरेर बनाएको बताएका छन् ।
