माडी क्याम्पसमा चारवटा विद्यार्थी संगठनहरूकाे आन्दाेलनका कारण स्ववियु निर्वाचन प्रकृया अवरूद्द बन्न पुगेकाे छ ।
त्रिभुवन विश्वविद्यालयका ६२ आंगिक र ४ सयभन्दा बढी सामुदायिक क्याम्पसमा भाेलि (चैत ५ गते) स्ववियु निर्वाचन हुँदैछ । ६२ मध्ये १४ क्याम्पसमा निर्वाचन प्रक्रिया अवरुद्ध र स्थगित बनेको केन्द्रीय निर्वाचन अनुगमन समितिले जनाएको छ ।
माडी क्याम्पसमा स्ववियु निर्वाचनमा विद्यार्थी भर्ना देखाउन र दलगत पहुँच र प्रध्यापककै सिफारिसमा नगद नबुझाई विद्यार्थी भर्ना गरिएको, रकम नभएको चेक (बाउन्स चेक) बुझी विद्यार्थी भर्ना गरिएको, माडी नगरपालिका वडा नंं. २ को कार्यालयले मनोमानी ढंगबाट गरिब तथा जेहेन्दार विद्यार्थी छात्रवृत्तिमा दलगत विद्यार्थी नाम सिफारीस गरि फर्जी विद्यार्थी भर्ना गर्न खोजिएको लगायतकाे आराेप लगाउँदै प्रतिपक्षी अखिल क्रान्तिकारी बाहेकका विद्यार्थी संगठनहरूले त्यसकाे विराेध गरेका हुन् ।
नेपाल विद्यार्थी संघ, अनेरास्ववियु, अनेरास्ववियू (एकीकृत समाजवादि निकट) र संयुक्त विद्यार्थी संघले सो कार्य तत्काल सच्याउन क्याम्पस प्रशासनलाई माग गर्दै क्याम्पसमा तालाबन्दी समेत गरेका थिए । विद्यार्थी संगठनहरूकै तालाबन्दी र अवरोधले माडी क्याम्पसमा विद्यार्थीको साझा प्रतिनिधि चुन्ने निर्वाचन प्रक्रिया अवरुद्ध हुन पुगेको हो । #PRD8112042