१४ औं विश्व डाउन सिन्ड्रोम दिवस (14th World Down Syndrome Day-2025) चितवनमा आज (शुक्रबार) मनाइएकाे छ ।

डाउण्ड सिन्ड्राेम समाज चितवनकाे आयाेजनामा सञ्चालित कार्यक्रममा राष्ट्रिय अपाङ्ग महासंघ बागमती प्रदेश समिति सचिव यम प्रसाद सुवेदिकाे प्रमुख आतिथ्यता रहेकाे थियाे । कार्यक्रम जिल्ला समन्वय समिति चितवनकाे सभाहलमा सम्पन्न भएकाे हाे ।

विश्वमा पहिलो पटक सन् २००६ मार्च २१ मा विश्व डाउन सिन्ड्रोम दिवस मनाइएको थियो र यसलाई संयुक्त राष्ट्र संघको महासभाले २०११ मा मान्यता दिए पश्चात् संसारभर सन् २०१२ देखी अन्तर्राष्ट्रिय दिवसको रूपमा मनाउन सुरु गरिएको हो ।

जन्मजात मानिसमा हुने गुणसुत्र (Chromosome) को संख्यामा आउने गडबढिका कारण डाउन सिन्ड्रोमको अवस्था आउन सक्छ ।