चितवन क्षेत्र नं. ३ का सांसद एवं पूर्वमन्त्री बिक्रम पाण्डेले गणतन्त्रको बिदाई हुने बेला आएको बताउनुभएको छ ।
राष्ट्रिय प्रजातान्त्रिक युवा संगठन चितवनको जिल्ला अधिबेशनलाई सम्बोधन गर्नुहुँदै पूर्वमन्त्री पाण्डेले सो कुरा बताउनुभएको हो ।
उहाँले अब गणतन्त्रको औचित्य नभएको भन्दै आम जनतालाई देशको परिवर्तनका लागि काठमाडौं आउन आह्वान गर्नुभयो ।
देश र जनताको हितमा राजसंस्था बाहेक अन्य तन्त्रको काम नभएको स्मरण गर्नुभयो ।
राप्रपाका केन्द्रीय वरिष्ठ उपाध्यक्ष समेत रहनुभएका पूर्वमन्त्री पाण्डेले राष्ट्रबादीहरु आन्दोलनमा आउँदा लुटतन्त्र मच्चाउनेहरु डराएको बताउनुभयो ।
देशलाई बिदेशीको इशारामा बेच्ने दलालकै कारण देशको अस्मिता लुटिदै गएको टिप्पणी गर्दै उहाँले गणतन्त्रको आयु छोट्दिदै गएको उल्लेख गर्नुभयो ।
देशको बिकास र सुशासनमा राप्रपा नै एकमात्र पार्टी भएकाले सबै राष्ट्रबादीहरुलाई एक हुन आग्रह गर्नुभयो ।
बढ्दो युवापुस्ता रोजगारीका लागि पलायन हुने अवस्थाको अन्त्य गराएरै छाड्ने प्रतिबद्धता सहित आम नागरिक र चितवनका न्यायप्रेमी जनतालाई आगामी जनआन्दोलनको तयारीमा बस्न समेत आह्वान गर्नुभयो ।