आचार्य बन्धु समाज नेपाल जिल्ला कार्यसमिति चितवनले कौडिन्य गोत्रीय आचार्यहरुको आज वंशावली पुस्तक लोकार्पण गरेको छ ।
“आचार्यहरुको एकता, आजको आबश्यकता” भन्ने नारासहित आचार्य समाजको कौडिन्य गोत्रीय वंशावली पुस्तक लोकार्पण गरिएको हो ।
आचार्य बन्धु समाज चितवनका अध्यक्ष शंकर प्रसाद आचार्यको अध्यक्षतामा भएको कार्यक्रममा आचार्य बन्धु समाज नेपालका अध्यक्ष बाबुराम आचार्यको प्रमुख आतिथ्यता रहेको थियो ।
वंशावली पुस्तक लोकार्पण गर्नुहुँदै प्रमुख अतिथिका रूपमा रहनुभएका आचार्यले आजको समयमा एकता र आबश्यकताको अत्यन्तै खाँचो भएको बताउनुभएको छ ।
पुस्तकमा आचार्यहरुको पुरानो इतिहास खोतलिएको छ । जहाँ कौडिन्य गोत्रीय समुदायको रितिरिवाजलाई दर्शाइएको आचार्यले बताउनुभयो ।
यसैगरी वरिष्ठ साहित्यकार एवं समालोचक उदयराज अधिकारीले आचार्य ऋषिमुनीहरुकै पालादेखि चर्चामा रहेको बताउनुभयो । आचार्यको सर्वश्रेष्ठ इतिहास आदिकवि भानुभक्त आचार्यबाट समेत पाउन सकिने बताउनुभयो ।
त्यस्तै वरिष्ठ शिक्षाविद् रमाकान्त सापकोटाले इतिहासलाई कदापि बिर्सिन नहुने बताउनुभयो । परापूर्व कालदेखि इतिहासमा समेत गोत्रको महत्त्व रहँदै आएको दर्शाउनुभयो ।
हाम्रा पूर्विय र पौराणिक ग्रन्थहरुमा अझैपनि धार्मिक मान्यता रहँदै आएको जिकिर गर्दै सापकोटाले वंशावली शिक्षाको अभिबृदी गर्नुपर्ने तर्क गर्नुभयो ।
वंशावलीमा कौडिन्य गोत्रीय सगोत्रीय थरहरुलाई समेत समाबेश गरिएको छ । कार्यक्रममा चितवनका विभिन्न क्षेत्रबाट कौडिन्य गोत्रीय आचार्य वंशावलीहरुको सहभागीता थियो ।