चितवनको माडीमा आज दिउँसो बस दुर्घटना हुँदा १२ जना घाइते भएका छन् ।
भरतपुरबाट माडीतर्फ जाँदै गरेको ना.६ ख. ९३६६ नम्बरको बस दिउँसो २ बजेको समयमा माडी–१ बनकट्टामा आफै अनियन्त्रीत भइ रुखमा ठोक्किदा दुर्घटनामा परेको हो ।
बसमा सवार २५ जना मध्ये १२ जना सामान्य घाइते भएको जिल्ला प्रहरी कार्यालय चितवनले जनाएको छ । घाइतेहरुको माडीकै बघौडा अस्पतालमा उपचार भइरहेको छ ।
घाइते हुनेमा माडी नगरपालिका–१ बस्ने बर्ष ३५ की सानिता महत्तो, उनकी छोरी वर्ष १० की एलिसा महत्तो, माडी नगरपालिका–६ बस्ने बर्ष ६० की सुकमाया सुनार, निजको श्रीमान बर्ष ७५ को तुल बहादुर सुनार, माडी–५ बस्ने बर्ष ४० की पार्वती अधिकारी, माडी–५ बस्ने बर्ष ६८ की सरस्वती श्रेष्ठ, माडी–६ बस्ने बर्ष २८ की नम्रता महत्तो, माडी–६ बस्ने बर्ष २८ की संगिता सुनार, खैरहनी नगरपालिका–१० बस्ने बर्ष ६७ का बिसुल महत्तो रहेका छन् ।
घाइते मध्ये २ जना डिस्चार्ज भएका छन् । बसमा सवार माडी–६ बस्ने बर्ष २८ की अमृता महत्तो र पर्सा घर बताउने बर्ष २५ की बिनिता चौधरी अस्पतालबाट डिस्चार्ज भएका छन् । प्रहरीका अनुसार बस चालक फरार छन् ।