सगरमाथा सञ्चार सेवाद्वारा संचालित रेडियो देवघाट १०२.६ मेगाहर्जले नयाँ बर्ष २०८२ को भित्तो पात्रो विमोचन गरेको छ ।
रेडियो देवघाटका अध्यक्ष विजयराज शर्मा भुसालको अध्यक्षतामा भएको कार्यक्रममा देवघाट गाउँपालिकाका अध्यक्ष तिलबहादुर थापाको प्रमुख आतिथ्यता थियो ।
थापाले रेडियोलाई समय सापेक्षित बनाउदै डिजिटल प्रविधिमा बिकास गराउनुपर्ने बताउनुभयो । परिवर्तनको संवाहक रेडियो भएको भन्दै उहाँले दुरदराजका आवाजलाई रेडियोले सम्बोधन गर्नुपर्ने सुझाव राख्नुभयो ।
आगामी दिनमा अझ रेडियोको बिकासमा देवघाट गाउँपालिकाले नयाँ योजना अगाडि बढाउने आश्वासन दिलाउनुभयो । त्यस्तै थापाले नजिकिदै गरेको नयाँ बर्ष २०८२ को आम नेपालीहरुमा शुभकामना व्यक्त गर्नुभयो ।
रेडियोलाई व्यवस्थित ढङ्गबाट अगाडि बढाउन गृहकार्य भइरहेको रेडियोका अध्यक्ष बिजयराज शर्मा भुसालको भनाइ थियो ।
देवघाटको धार्मिक बिकासलाई जोड दिएर आम नागरिकका समस्या समाधानमा रेडियोको भूमिकालाई मध्येनजर गर्दै वि.स. २०६७ सालमा रेडियो देवघाट स्थापना भएको बताउनुभयो ।
रेडियोको भित्तोपात्रो विमोचनमा विभिन्न वडाका वडाध्यक्ष, सामाजिक व्यक्तित्व, स्रोता, बिज्ञापन दाता, शुभेच्छुक र सञ्चारकर्मीको उपस्थिति थियो ।