देवघाट गाउँपालिकाका अध्यक्ष तिलबहादुर थापाले आज स्केट पार्कको उद्घाटन गर्नुभएको छ ।
देवघाट ५ तनहुँमा संचालित देवघाट स्केट पार्कको उद्घाटन गर्नुहुँदै थापाले खेलकुदका क्षेत्रमा देवघाटले बिस्तारै फड्को मार्दै गरेको बताउनुभयो ।
युवा शक्ति भबिस्यको बलियो आधारशीला भएको उदाहरण दिदै थापाले अब युवाको नेतृत्वलाई समेट्नुपर्ने तर्क गर्नुभयो ।
पाँच जना युवा मिलेर देवघाटको खेलकुद बिकासमा उहाँहरुले चाल्नुभएको कदम अत्यन्तै सराहनीय र देवघाटले कहिल्यैं बिर्सिन नसक्ने बताउनुभयो ।
खेलमैदानको परिपूर्तिको लागि तयारी थालिएको बताउदै उहाँले खेलकुदका क्षेत्रमा युवालाई अग्रसर गराउन, नयाँ खेलाडी उत्पादनमा जोडदिन, प्रत्येक विद्यालयमा खेलकुदका सामाग्री प्रदान गराउन आफू निरन्तर लागिरहेको समेत जानकारी दिनुभयो ।
देवघाट धार्मिक ऐतिहासिक स्थलका रूपमा परिचीत भएजस्तै अब खेलमैदानका रूपमा समेत चिनाउन आबश्यक रहेको बताउनुभयो ।
आम युवा बिदेश पलायन भएको अबस्थामा स्वदेशमा बसेर ग्रामीण क्षेत्रको बिकासका लागि स्केट पार्क संचालन गर्नु भनेको देवघाटका लागि ठूलो उपलब्धि बनेको तर्क गर्नुभयो ।
ससाना बालबच्चा तथा युवाहरु मोबाइलमा ब्यस्त भइरहँदा स्केटले मोबाइलको लतलाई समेत केही हदसम्म कम गर्ने उहाँको बिश्वास छ ।
पाँच जना युवाहरु मिलेर भर्खर संचालनमा ल्याइएको उक्त देवघाट स्केट पार्क मनोरञ्जनयुक्त रमणिय वातावरणमा संचालित छ । जहाँ धार्मिक क्षेत्र झल्कने दृश्यहरु समेत ब्यानरमा राखिएको छ ।
एक करोड भन्दा बढीको लागतमा संचालित उक्त स्केट पार्क ६ रोपनी जग्गामा अबस्थित छ ।
स्वदेशमा केही गरौं भन्ने उदेश्यले देवघाटका जुझारु युवा अर्जुन प्रसाद अधिकारी, अनिल मिश्र, रामु खनाल, रोशन आचार्य, किरण सुवेदी भएर संचालनमा ल्याउनुभएको हो ।
कार्यक्रममा देवघाटका विभिन्न वडाका वडाध्यक्ष, जनप्रतिनिधि, नागरिक समाज, महिला उद्यमी तथा सामाजिक व्यक्तित्व संचारकर्मी आदिको उपस्थिति थियो ।