छन्द-काव्य प्रतिष्ठान नेपाल भरतपुर १० चितवनले प्रथम साधारण सभा एवं छन्द दिवस विशेष कार्यक्रम सम्पन्न गरेको छ ।

छन्द दिवसका अबसरमा प्रतिष्ठानले आफ्नो पहिलो साधारणसभा छन्द कविता बाचन गरेर मनाएको हो ।

छन्द काव्य प्रतिष्ठानका अध्यक्ष लकाश पौडेलको अध्यक्षतामा भएको कार्यक्रममा वरिष्ठ साहित्यकार एवं समालोचक गोविन्दराज विनोदीको प्रमुख आतिथ्यता रहेको थियो ।

कार्यक्रममा बोल्नुहुँदै विनोदीले साहित्यको जगेर्नामा लाग्नु आजको अपरिहार्य आबश्यकता भएको बताउनुभयो ।

स्थापनाका दिनदेखि छन्द काव्य प्रतिष्ठानले नेपाली कला साहित्यका क्षेत्रमा खेलेको भूमिका स्मरणीय भएको बताउनुभयो ।
नवपुस्तालाई साहित्य बिधामा ल्याउनुपर्ने धारणा राख्दै विनोदीले साहित्य भाबी पुस्तालाई सुम्पनुपर्ने तर्क गर्नुभयो ।

यस्तै छन्द काव्य प्रतिष्ठानका अध्यक्ष लकाश पौडेलले साहित्य समाजको यथार्थ ऐना भएको बताउनुभयो । समसामयिक विषयबस्तु तथा काल्पनिक घटना परिघटनासंग आधारित भएर लेखिने साहित्य समाज परिवर्तनको प्रमुख आधार भएको बताउनुभयो ।

नयाँ युवापुस्तालाई साहित्य क्षेत्रमा जोड दिदै अग्रजका बिचार कदर र सुनुवाइ गर्दै साहित्यको जगेर्ना गर्ने हेतुले संस्था स्थापना गरिएको पौडेलले बताउनुभयो ।

कवि राजेन्द्र घायलले स्वागत मन्तव्य राख्नुभएको थियो । भने साहित्यकार केशवराज आमोदी र प्राध्यापक नारायण प्रसाद खनालले छन्द कविताको बारेमा प्रकाश पार्नुभएको थियो ।
संस्थाको काव्यिक प्रतिबेदन सचिव बिदुर अधिकारी र आर्थिक प्रतिबेदन समितिका कोषाध्यक्ष होमनाथ घिमिरेले प्रस्तुत गर्नुभएको थियो ।

विभिन्न साहित्य स्रस्ता तथा सामाजिक व्यक्तित्वको सहभागीता रहेको कार्यक्रममा सोही प्रतिष्ठाकी सहसचिव उषा तिवारीले सहजीकरण गर्नुभएको हो ।