बोसिया नेपालको आयोजनामा अशक्त अति अशक्त अपांगता भएका व्यक्तिका लागि एकदिने बोसिया खेल सम्पन्न भएको छ ।

संस्थाका अध्यक्ष गोमा पौडेलको अध्यक्षतामा सम्पन्न सो खेल भरतपुर महानगरपालिकाका उप प्रमुख चित्रसेन अधिकारीको प्रमुख आतिथ्यतामा सम्पन्न भएको हो ।

भरतपुर कवर्ड हलमा मस्तिष्क पक्षघात, मस्कुलर डिस्ट्रोफी, स्पाईनल विफिडा तथा स्पाईनल सम्बन्धी समस्या भई अपाङ्गता भएका व्यक्तिहरुका लागि बोसिया खेल प्रदान गरिएको थियो ।
कार्यक्रममा विशिष्ट अतिथिमा शुस्तमनस्थिती कल्याण संस्थाका केन्द्रीय सदस्य एवं वैाद्धिक अपाङ्गताका अभिभावक संघका अध्यक्ष निर्मल कुमार श्रेष्ठ, राष्ट्रिय अपाङ्ग महासंघ बाग्मती प्रदेशका सचिव एवं अपाङ्गता अधिकार संरक्षण केन्द्रका अध्यक्ष यम प्रसाद सुवेदी साईकल व्यवसायी संघ चितवन-नवलपुरका अध्यक्ष शुनिल कुमार गुप्ता रहनुभएको थियो ।

यसैगरी अतिथिमा चितवन बहिरा संघका अध्यक्ष विष्णु कुमारी पैाडेल, अपाङ्ग समाज चितवनका अध्यक्ष मान वहादुर पुन, सुसुप्ना नाडि घाईते मैत्री समाजका सचिव समिर मल्ल ठकुरी, अपाङ्ग जागरण अभियानका कोषाध्यक्ष पार्वति महतो ,लाइन्स ईन्टरनेश्नल ३२५आर कल्सटर ४ का सीता पैाडेल,सुस्त मनस्थिती कल्याण विद्यालय श्रीपुरका विद्यालय व्यवस्थापन समितिका अध्यक्ष कर्ण बहादुर सुवेदी, आशा बाल बिकास केन्द्रका देवि थापा, भरतपुर महानगरपालिका सामाजिक विकास महाशाखाको अप्सरा देवकोटा रहनु भएको थियो ।

कार्यक्रममा प्रमुख अतिथिद्वारा बोसिया बल खेलेर समुद्घघाटन भर्नुभयो । एविलिस फाउण्डेसनको आर्थिक सहयोग र मस्तिष्क पक्षाघातका लागि अभिभावक स्वावलम्बन समूहको समन्वयमा कार्यक्रम सम्पन्न भयो ।

कार्यक्रममा साईकल व्यवसायी संघ चितवन-नवलपुरका अध्यक्ष शुनिल कुमार गुप्ताले शुभकामना दिनुभयो भने मस्तिष्क पक्षाघातका लागि अभिभावक स्वावलम्बन समूहको संरक्षक हरिकला भुषाल लगायतले स्वागत मन्तव्य दिनुहुँदै अपाङ्गता हुनु कसैको रहर नभई समायानुकुल जो कसैलाई पनि हुने एक अवस्था हो भन्दै जटिल प्रकारका अपाङ्गता भएका व्यक्तिहरुले पनि यो बोसिया खेल खेल्न सक्ने र राष्ट्रिय तथा अन्तरराष्ट्रिय स्तरमा देशलाई चिनाउने यो  विशेष प्रकारको खेललाई राज्यले पनि आवश्यकताको  रुपमा अपनत्व लिनु पर्नेमा जोड दिनु भयो ।

उक्त कार्यक्रममा प्रमुख अतिथीले आगामी आर्थिक वर्षमा यस खेललाई उच्च प्राथमिकतामा राख्ने कुराको प्रतिवद्धता जायर गर्नु भएको थियो भने सभापतिले आगामी वर्षहरुमा यस खेललाई अझ वढि शसक्त रुपमा यस भरतपुरमा खेलाउने कुरा व्यक्त गर्नुभयो । कार्यक्रम बोसिया नेपालका महासचिव रविन्द्र रिजालले संचालन गर्नुभयो ।