साहित्य संगम चितवनले ३२ औं पारिजात स्मृति दिवसका अवसरमा तीन जना महिला साहित्यकारलाई सम्मान गरेको छ ।

यस बर्ष नेत्रमाया/मुक्तिनाथ भट्टराई स्मृति पुरस्कार २०८१ कवि गीतकार तथा गजलकार सिक्किमकी लुइस विष्ट लाई प्रदान गरिएको छ ।

यसैगरी गजाधर/डिकुरीदेबी/चेतकान्त चापागाईं स्मृति पुरस्कार २०८१ कवि तथा आख्यानकार चितवनकी गायत्री अधिकारीलाई प्रदान गरिएको छ ।

त्यस्तै चितवन र गणेश लक्ष्मी/खड्‌गनारायण श्रेष्ठ स्मृति पुरस्कार २०८१ कवि गजलकार तथा आख्यानकार पाल्पाकी स्वप्निल भीरभलाई प्रदान गरिएको हो ।

उत्कृष्ट सम्मानित साहित्यकारलाई जनही नगदस्वरुप रु. १८ हजार र प्रमाणपत्रले सम्मान गरिएको साहित्य संगम चितवनका अध्यक्ष प्रकाश चापागाईंले जानकारी दिनुभयो ।

यसअघि पनि संगमले उत्कृष्ट साहित्य स्रस्ता एवं नवसाहित्यहरुको सम्मान र विभिन्न रचना प्रतियोगिता गर्दै आइरहेको छ ।