नेपाली गजल साहित्यको समकालीन अभ्यासमा नवीन ऊर्जा भर्ने उद्देश्यका साथ स्रष्टा रामकृष्ण अनायासको गजलसंग्रह अनायास प्रकाशनको अन्तिम चरणमा पुगेको छ।

साहित्यमा दुई दशकभन्दा लामो समयदेखि सक्रिय अनायासले यस गजल संग्रहमार्फत प्रेम, वियोग, देशप्रेम, सामाजिक चेतना र समसामयिक यथार्थका अनेक तहहरूलाई गहिरो भावबोधका साथ प्रस्तुत गरेका छन्। उनका गजलहरू भाषिक सादगी, भावनात्मक घनत्व र समाजप्रतिको उत्तरदायित्वका दृष्टिले उल्लेखनीय छन्। उक्त कृतिकाे समालोचक, कवि तथा गजलकार रमेश प्रभातको सम्पादनमा कलात्मक रूपले पाठकसामु ल्याउन लागिएको हो ।

गजल मञ्च चितवनद्वारा प्रकाशित यो कृति सम्पूर्ण किताब, नारायणगढमार्फत देशव्यापी रूपमा वितरण गरिने छ। पुस्तकको मूल्य रु. २५१ तोकिएको छ। यस संग्रहमार्फत गजलमा रम्ने पाठकहरूले समकालीन नेपाली गजलको गहिरो स्वाद लिन सक्नेछन्।