माडी नगरपालिका चितवनमा पुर्ण खाेपयुक्त नगर घाेषणा हुने पहिलाे पालिका बन्न सफल भएकाे छ ।
चालू आर्थिक वर्ष (२०८१/८२) मा माडी नगरपालिकाका १६ महिना देखि २३ महिना सम्मका सबै बालबालिकाहरूले १५ महिना उमेर भित्र प्राप्त गर्नुपर्ने पूर्णखोप पाएको सुनिश्चित गरि आज वुधबार माडी नगरपालिकाकाे सभाहलमा एक कार्यक्रमका बिच माडीलाई पूर्णखाेप सुनिश्चितता घाेषणा गरिएकाे हाे ।
चालु आर्थिक वर्षमा माडीका ४५८ बालबालिकाहरूले पुर्ण खाेप लगाएका हुन् । जसकाे लागि माडीका ९ वटै वडाहरूमा १७ वटा खाेप केन्द्रबाट निशुल्क खाेप संचालन भएकाे थियाे । माडी नगरपालिकालाई २०७२ चैत्र १६ पहिलाेपटक पुर्ण खाेपयुक्त नगर घाेषणा भएसंगै काेभिड संक्रमणकाे बेला (०७७/७८) बाहेक त्यसपछिका हरेक वर्ष पुर्ण खाेप सुनिश्चितता घाेषणा गरिएकाे छ ।
जिल्ला जनस्वास्थ्य कार्यालय चितवनका जनस्वास्थ्य प्रमुख एवं खाेप समन्वय समिति, चितवनका सचिव दिनेश रूपाखेति प्रमुख आतिथ्यतामा सम्पन्न कार्यक्रममा माडी नगरपालिकाकाे नगर प्रमुख एवं खाेप समन्वय समिति अध्यक्ष ताराकुमारी काजी महताेकाे अध्यक्षता रहेकाे थियाे । त्यस्तै, माडी नगरपालिकाकाे प्रमुख प्रशासकिय अधिकृत जगत प्रसाद भुषाल, माडीका २, ३, ४, ५, ६, ७ र ९ का वडाध्यक्षहरू, कार्यपालिका सदस्यहरू, नगरभित्रका स्वास्थ्य शाखाका कर्मचारी एवं स्वास्थ्यकर्मीहरू, शिक्षकहरू लगायतकाे सहभागीता रहेकाे थियाे । #PRD820221