स्कटल्याण्डमा भइरहेको त्रिदेशीय टी-२० आई शृंखलामा लाेकेस बमकाे अन्तिम ओभरमा दुई छक्काकाे मद्दतले नेपालले दोस्रो जित निकालेको छ ।

आज बिहीबार भएको नेदरल्याण्ड्ससँगको खेलमा नेपाल दुई बल बाँकि छंदा ६ विकेटले विजयी भएको हो । नेदरल्याण्ड्सले दिएको १७५ रनको लक्ष्य नेपालले १९.४ ओभरमा ४ विकेटको क्षतिमा पूरा गर्‍यो ।

नेपालका लागि ओपनर कुशल भुर्तेलले सर्वाधिक ६५ रन बनाए । ५१ बल खेलेका उनले ६ चौका प्रहार गरे । त्यस्तै आरिफ शेखले ३९ रन बनाए भने भीम सार्कीले २७ रन बनाए ।