राष्ट्रिय व्यवसायिक/पेशागत याेग्यता रूपरेखा (NVQF) कार्यान्वयन गर्न सरकारी, गैरसरकारी र निजी क्षेत्रको सहकार्यका लागि माडीमा अभिमुखीकरण एवं छलफल गरिएकाे छ ।

सामाजिक विकास मन्त्रालय, बागमती प्रदेशकाे आयाेजनामा आज (आइतबार) माडीकाे बसन्तपुरस्थित हाेटल प्याराडाइजमा सञ्चालित कार्यक्रममा राष्ट्रिय व्यवसायिक योग्यता प्रणाली (NVQF) को आवश्यकता, यसमा निजि क्षेत्रको भुमिका, यसको कार्यान्वयनमा प्रदेश सरकारले गरेका पहलहरु, लगायत विविध विषयमा छलफल एवं अभिमुखिकरण गरिएको थियोे ।

सामाजिक विकास मन्त्रालय, बागमती प्रदेशका सचिव विनु बज्राचार्यको अध्यक्षतामा सम्पन्न कार्यक्रममा परियोजनाको वरिष्ठ अनुगमन अधिकृत सुरेन्द्र कुमार राम, मन्त्रालयका महाशाखा प्रमुख घनश्याम खनाल, नेपाल उद्योग वाणिज्य महासंघ नेपालका अध्यक्ष कविराज खत्री, उद्योग वाणिज्य संघ माडीका अध्यक्ष रेशमलाल आचार्य तुलसी, उद्योग संघ माडीका अध्यक्ष रमेश नेपाली लगायतकाे सहभागीता रहेकाे थियाे ।