देवघाट गाउँपालिकाका अध्यक्ष तिल बहादुर थापाले वन जङ्गल र वातावरण संरक्षणका लागि वृक्षरोपण अपरिहार्य भएको बताउनुभएको छ ।

चक्रवर्ती सामुदायिक वनकाे आयाेजनामा आज  जडिबुटी खेतीबिस्तार एवं वृक्षारोपणमा प्रमुख अतिथिका रूपमा सरिक हुँदै थापाले सो कुरा बताउनुभएको हो ।

उहाँले वातावरण स्वस्थ हरियाली मात्र नभई यसलाई अर्थोपार्जनमा लगाउन सकिने बताउनुभयो ।

हावापानी र भौगोलिक क्षेत्रका हिसाबले समेत देवघाटमा जडिवुटीको प्रचुर सम्भावना रहेको थापाले बताउनुभयो ।

प्राकृतिक बिपत्ति र जलवायु असर नपर्ने जिकिर गर्दै उहाँले वन जङ्गल आदि प्राकृतिक सम्पदाको समेत महत्त्व बढ्ने उल्लेख गर्नुभयो ।

सामुदायिक वनका अध्यक्ष डिल बहादुर थापाको अध्यक्षतामा भएको सो कार्यक्रममा विभिन्न संघसंस्थामा आबद्ध प्रतिनिधि वन तथा वातावरणसंग सरोकार राख्ने आम नागरिकको सहभागीता थियो ।