बागमती प्रदेश सरकार स्वास्थ्य मन्त्रालय स्वास्थ्य निर्देशनालय जनस्वास्थ्य कार्यालय चितवनले स्वास्थ्यसंग सम्बन्धित विषयमा पत्रकारहरुसंग अन्तरक्रिया गरेको छ ।
हालसम्म भएका स्वास्थ्य सम्बन्धि कार्यक्रम र विभिन्न सर्ने तथा नसर्ने रोगबाट प्रताडित बिरामीहरुको अवस्था आदिका बारेमा स्वास्थ्य कार्यालय चितवनले जानकारी गराएको हो ।
नेपालमा झन्डै ४० हजार क्षयरोगीका बिरामी उपचार नगराई समुदायमा लुकेर बसेको अवस्थामा रहेको जनस्वास्थ्य कार्यालय चितवनका प्रमुख दिनेश रुपाखेतीले जानकारी दिनुभयो ।
उहाँका अनुसार, चितवनमा हालसम्म ४ सय ६२ जना स्वास्थ्य स्वयंसेविका रहेको जानकारी दिनुभयो ।
मेघौली, जगतपुर र फुलबारीलाई उत्कृष्ट स्वास्थ्य चौकीको रूपमा सम्मान गरिएको छ । ६ हजार ७ सय ५९ जनाको निशुल्क स्वास्थ्य जाँच समेत गरिएको रुपाखेतीले बताउनुभयो ।
कार्यक्रममा चितवनका विभिन्न सञ्चारगृह आबद्ध पत्रकारहरुको सहभागीता थियो ।