नेपालमा विद्युतीय दुईपाङ्ग्रे सवारीको बजार तीव्र बन्दै गएको समयमा विश्वकै सबैभन्दा ठूलो ई. स्कुटर ब्रान्ड मानिने YADEA (याडिया) ले भरतपुर–१२, केन्द्रीय बसपार्क नजिक नयाँ सोरूम सञ्चालनमा ल्याएको छ।

नेपालका लागि आधिकारिक वितरक( KUZU Nepal Pvt. Ltd.)को वितरण सञ्जालमार्फत स्थानीय अधिकृत डिलर आयाम मोटर्सले सोरूमको विधिवत् उद्घाटन गरेको हो। कार्यक्रममा स्थानीय तहका प्रतिनिधि, व्यवसायी, सरोकारवाला तथा ई मोबिलिटीप्रेमीहरूको उपस्थिति रहेको आयोजकहरूले जनाएका छन्।

सोरूम सुरु भएपछि शुरुवाती चरणमै ५ मोडल भेरियन्ट का याडिया इलेक्ट्रिक स्कुटरहरू प्रदर्शन तथा बिक्रीमा उपलब्ध गरिएको छ। विस्तृत प्राविधिक विवरण सार्वजनिक हुँदै गरेको भए पनि डिलर पक्षका अनुसार प्रमुख आकर्षणमध्ये एक पूर्ण चार्जपछि करिब १५० किलोलामिटर सम्म चल्ने रेन्ज हो (मोडल र प्रयोग अवस्थाअनुसार भिन्न हुन सक्छ)।

आकर्षक डिजाइन, कम सञ्चालन लागत र टिकाउ संरचना याडियाका प्रतिस्पर्धी विशेषता भएको व्यवस्थापनको दाबी छ।सोरूमका प्रबन्धक होम नाथ पौडेलले ग्राहक अनुभव केन्द्रित सेवा आफूहरूको प्राथमिकता भएको बताए।

“हामीले नियमित टेस्ट–ड्राइभ सुविधा उपलब्ध गराएका छौँ। इच्छुक ग्राहकले अग्रिम दर्ता गरेर वा प्रत्यक्ष सोरूममा आएर स्कुटर चलाएर अनुभव गर्न सक्नुहुन्छ,” उहाँले भने। पौडेलका अनुसार बिक्रीसँगै चार्जिङ, सेवा मर्मत तथा स्पेयर पार्ट्स उपलब्धतामा ध्यान दिइनेछ।

नेपालमा पेट्रोलको बढ्दो मूल्य, शहर क्षेत्रमा सवारी घनत्व, र पर्यावरणमैत्री विकल्पप्रतिको चासोले विद्युतीय दुईपाङ्ग्रे सवारीको माग तीव्र रूपमा बढेको छ। उद्योग व्यवसायीहरूका अनुसार चार्जिङ सजिलो (घरमै प्लग–इन) सुविधा, न्यून मर्मत लागत, र सरकारी कर सुविधा (मोडल र समयअनुसार फरक) जस्ता कारणले ई–स्कुटर बजार विस्तारमा टेवा पुगेको छ। याडियाको प्रवेशले चितवन र वरपरका उपभोक्ताका लागि नयाँ विकल्प थपिएको उद्योग विज्ञको आकलन छ।

उद्घाटन कार्यक्रममा सहभागी उपभोक्ताले प्रदर्शित मोडलहरूको बाहिरी रूपरङ र निर्माण गुणवत्ताको प्रशंसा गरेका थिए। केहीले सोही दिन परीक्षण सवारी गरेर प्राथमिक प्रतिक्रिया दिएका थिए, जसलाई कम्पनीले सेवा सुधारका लागि संकलन गर्ने जनाएको छ।