चितवनका विभिन्न स्थानमा विद्युत सेवामा देखिएको समस्या बारेमा बुझ्न् विद्युत प्राधिकरणका कार्यकारी निर्देशक हितेन्द्रदेव शाक्य चितवन आउनुभएको छ ।

विद्युत प्राधिकरणको चनौली सबस्टेशनले लाइन कटौती गरेको सूचना सार्वजनिक भएसंगै चितवनमा लोडसेडिङ गरेको भन्दै आलोचना भएपछि शाक्य आफैं चितवन आउनुभएको हो ।

टाँडी तथा माडीका विद्युत स्टेशनमा त्यहाँका स्थानीयहरुले बारम्बार बिना सूचना विद्युत अवरुद्ध भएको भन्दै विरोध जनाउँदै आएका छन् ।
भरतपुरको चनौली सबस्टेशनले विद्युत आपूर्ति कटौतीसम्बन्धी सूचना शनिबार जारी गरेपछि प्राधिकरणले लोडसेडिङको तालिका सार्वजनिक गरेको थियो ।

सोही तालिकाको विषयलाई लिएर सामाजिक संजालमा बिरोधाभास टिकाटिप्पणी समेत भएका थिए । यता चितवनमा देखिएको विद्युत समस्या मंगलबारसम्म समाधान हुने प्राधिकरणले जनाएको छ ।