भरतपुर महानगरपालिकाले दुई स्थानबाट दमकल सेवा सञ्चालन गरेको छ ।

भइपरि आउने आगलागी घटना र यसको जोखिमलाई मध्येनजर गर्दै महानगरले दुई स्थानमा दमकल संचालन गरेको हो ।

आम नागरिकलाई सेवादिन भरतपुर महानगरपालिकाको कार्यालय र पश्चिम चितवनको गुञ्जनगरमा दमकल राखिनेछ ।

दुई ठाउँबाट चितवन जिल्लाभरि नै र छिमेकी जिल्लामा समेत सेवा दिने गरिएको महानगरका वारुणयन्त्र अधिकृत देवेन्द्रराज रेग्मीले जानकारी दिनुभयो ।

गत आर्थिक वर्ष २०८१/८२ मा चितवन र नवलपुरमा गरेर १३३ आगलागीका घटना भएका थिए । महानगर कार्यालयमा रहेको दमकलले ९७ र गुञ्जनगरमा रहेको दमकलले ३६ ठाउँको आगो निभाएको थियो । कतिपय ठाउँमा आगो निभाउन दुवै दमकल प्रयोग गरिएका छन् ।