धानखेतमा करेन्ट लागेर गैंडा मरेको घटनामा पक्राउ परेका माडी-२ भैरवपुरका किसान हरिभक्त श्रेष्ठलाई पुर्पक्षका लागि थुनामा राख्न चितवन जिल्ला अदालतले आदेश दिएको छ  ।

गत साउन २१ गते बुधबार बिहान श्रेष्ठकाे धानखेतमा एकसिंगे गैंडा मृत फेला परेको थियो । श्रेष्ठले धान जोगाउन नांगो तारले खेत बारेर करेन्ट छोडेका कारण त्यसमा परेर गैंडा मरेको भन्दै चितवन निकुञ्जले उनलाई पक्राउ गरेर अनुसन्धान अगाडि बढाएको थियो ।

सो घटनामा सामबार चितवन जिल्ला अदालतमा मुद्दा दायर भएको थियो । मंगलबार भएको थुनछेक बहसपछि जिल्ला न्यायाधीश दयाराम ढकालले श्रेष्ठलाई थुनामा पठाउने आदेश गरेको चितवन जिल्ला अदालतका सूचना अधिकारी अमृत विश्वकर्माले जानकारी दिनुभयाे ।