भरतपुर -२ क्षेत्रपुर चितवनमा रहेको फोर्ब्स कलेजले सुदूरपश्चिम विश्वविद्यालय संग सम्बन्धन लिएर बिबिए कार्यक्रम यस वर्षदेखि संचालन गर्ने भएको छ ।
६६ जनाको कोटा रहेको कार्यक्रममा भर्ना कार्यक्रम संचालन भइरहेको र यस वर्षका लागि एक करोड भन्दा बढिको छात्रवृत्ति प्रदान गर्ने कलेजका प्राचार्य हरि शरण पाठकले जानकारी दिनुभयो ।
छात्रवृत्तिबाट जेहेन्दार, गरिव , जनजाति, शहीद परिवार, अल्पसंख्यक, फरक क्षमता भएका आदि विद्यार्थीहरू लाभान्वित हुन सक्ने छन् । साथै पहिलो २० जना भर्ना हुने विद्यार्थीलाई विशेष छात्रबृति रहेको पनि प्राचार्य पाठकले जानकारी दिनुभयो ।
समयमा नै कलेजमा सम्पर्क गर्न विद्यार्थी तथा अभिभावकलाई आव्हान समेत गर्नुभएको छ ।
कलेजमा अध्ययन गर्ने विद्यार्थीहरुलाई सैद्धान्तिक शिक्षा मात्र नभई प्रयोगात्मक शिक्षा, अतिरिक्त क्रियाकलाप, इण्डस्ट्रीयल एक्सपोजर व्यक्तिगत विकास, बिजनेस स्टार्टअप आदिको माध्यमबाट अध्यापन गराउने र पास भएका सम्पुर्ण विद्यार्थीहरुलाई आफ्नै व्यवसाय गर्न रोजगारी प्राप्त गर्न विभिन्न संघ, संस्था आदिसंग समन्वय गरी सहयोग गर्ने कलेजले जनाएको छ ।