नेपाल मगर संघ निर्वाचन समिति संयोजक सिद्धान्त गर्जामगरले तिहार र छठ पर्वका अबसरमा शुभकामना व्यक्त गर्नुभएको छ ।
उहाँले एक शुभकामना सन्देश जारी गर्दै स्वदेश तथा बिदेशमा छरिएर रहनुभएका सबै नेपालीहरुमा शुभकामना व्यक्त गर्नुभएको हो ।
देशमा शान्ति सुव्यवस्था अमयनचयन कायम होस् भनी भगवानसंग प्रथाना गर्दछु उहाँको शुभकामना सन्देशमा भनिएको छ । देश हाल बिषम परिस्थितिमा भएको भन्दै उहाँले देशलाई निकास दिन र छिटै शान्तिका लागि समेत कामना गर्नुभयो ।
जेनजी पुस्ताको माग अनुसार देशलाई बिकास गर्दै अगाडि बढाउनुपर्नेमा उहाँले जोड दिनुभयो ।
सामाजिक तथा शैक्षिक व्यक्तित्व समेत रहनुभएका सिद्धान्त गर्जामगरले धर्म संस्कृतिको जगेर्नामा जोड दिनुपर्ने बताउनुभएको छ । हाम्रा धार्मिक रितिरिवाज, परम्परा संस्कृति भेषभुसा आदिको संरक्षण गर्नु हामी सबैको दायित्व भएको उल्लेख गर्नुभयो ।
नेपाल चार जात छत्तीस बर्णको फुलबारी भएको उल्लेख गर्दै उहाँले सबै जातीका धर्म संस्कृतिको जगेर्ना गर्नु अपरिहार्य भएको बताउनुभयो ।
देशमा रोजगारी नहुँदा आम युवा पुस्ता बिदेशीएको स्मरण गर्दै उहाँले स्वदेशमा नै रोजगारीको वातावरण सिर्जना गराउन सरकार समक्ष माग गर्नुभयो ।