भरतपुर–१० स्थित वीरेन्द्र बहुमुखी क्याम्पस नजिकमा बनेको स्मार्ट शौचालयको भित्तामा थारु समुदायको सांस्कृतिक ‘धन्सार’ वा घरमा राखिने चित्र प्रयोग गरिएको भन्दै थारु समुदायले आपत्ति जनाएपछि अन्ततः भरतपुर महानगरले गल्ती सच्याएको छ ।

सांस्कृतिक प्रतीकलाई शौचालयमा राखिनु अनादर भएको भन्दै तुरुन्त हटाउन सामाजिक संजालमा सर्वत्र बिरोध हुन थालेपछि मेयर रेनु दाहालले “गलत नियत नभएको” स्पष्ट गर्दै थारु समुदायसँग क्षमायाचना गर्नुभएको हो ।

उहाँले समुदाय अपमानित हुने कुनै पनि दृश्य आजैदेखि हटाइने र यस्ता गल्ती नदोहोरीने जनाउनुभयो ।
#PRD0820822