विदेश जानकाे लागि चाहिने पुलिस रिपोर्ट प्रमाणीकरण गर्न अब काठमाडौं (कन्सुलर सेवा विभाग) धाउन नपर्ने भएको छ । कन्सुलर सेवा विभागले आइतबारदेखि अनलाइनबाटै चारित्रिक प्रमाणपत्र पाइने व्यवस्था लागू गरेपछि अब विभाग धाउन नपर्ने भएकाे हाे ।

अब विभागको साइटमा गएर फाराम भरेर त्यसबापतको शुल्क डिजिटल वालेट वा बैंकमार्फत तिरेपछि सेवाग्राहीले इमेलबाटै रिपोर्ट पाउने भएका छन् । फाराम भरेर दस्तुर तिर्ने प्रक्रिया पुर्‍याएकाले दुई दिनमा पाउने रिपोर्ट सेवाग्राहीले आफ्नो सुविधाअनुसारका ठाउँबाट प्रिन्ट गराउन सक्छन् ।

विभागका अनुसार अनलाइनमार्फत प्रहरी प्रमाणीकरण रिपोर्ट दुई दिनभित्रमा प्राप्त हुन्छ । सेवाग्राहीले एउटा प्रहरी रिपोर्ट प्रमाणीकरण गरेबापत सरकारलाई ५ सय रुपैयाँ राजस्व तिर्नुपर्ने प्रावधान छ । #PRD800422 #PoliceReport