माडीका करिब १०० जना शिक्षकहरूको सहभागिता सहित नेपाल राष्ट्रिय शिक्षक संगठन माडीको पाचौँ नगर परिषद् सम्पन्न भएको छ ।
माडी नगरपालिकाको नगरप्रमुख ताराकुमारी काजी महतोको प्रमुख आतिथ्यता रहेको उक्त कार्यक्रममा नगरपालिका भित्र रहेका नेपाल राष्ट्रिय शिक्षक संगठनमा आबद्ध शिक्षकहरूको सहभागिता रहेको थियो ।
कार्यक्रममा शिक्षण पेशामा लामो समय व्यतित गरि सेवा पुर्याउनुभएका शिक्षकहरूलाई सम्मान साथै हालसालै स्थायी शिक्षक पदमा सिफारिस हुनुभएका शिक्षकहरूलाई फूल, अबिर र खादाले सम्मान गरिएको थियो । त्यस्तै संगठन सुदृढीकरणको मूल उद्देश्य सहित वर्षभरि भएका गतिविधि समेटिएको सांगठनिक प्रतिवेदन र आर्थिक प्रतिवेदन प्रस्तुत गरिएको थियो ।
कार्यक्रममा शुभकामना मन्तब्य दिंदै विशिष्ट अतिथि समेत रहनुभएका नेपाल राष्ट्रिय शिक्षक संगठन बागमती प्रदेश समितिका महासचिव पूर्णबहादुर पुरीले शिक्षकहरूले राख्नुभएका विभिन्न जिज्ञासाहरूको जवाफ दिनुभएको थियो भने आफ्नो पेसा र दायित्वमा प्रतिबद्ध भई लाग्न सहभागी शिक्षकहरूलाई प्रशिक्षित समेत गराउनुभयो ।
नेपाल राष्ट्रिय शिक्षक संगठन जिल्ला उपाध्यक्ष रामजी भण्डारी , शिक्षक हित वचत तथा ऋण सहकारी संस्थाका सचिव दिपेन्द्रराज रेग्मीको आतिथ्यता सहित माडी क्याम्पसको सभाहलमा भएको सो कार्यक्रम नगरपरिषद् अध्यक्ष रामप्रसाद भण्डारीको अध्यक्षता सम्पन्न भएको हो ।
#PRD801217