[पारदर्शि अनलाईन]
देशका अधिकांश युवाहरु अष्ट्रेलिया, युरोप तथा खाडी मुलुक प्रस्थान गरिरहँदा माडी नगरपालिका- ७ जगन्नाथपुरीस्थित भिजन प्रभु एग्रोफर्मका सञ्चालक शोभाखर सुवेदि (नविन) ले भने मासिक १ लाख बढिको कमाइ गरिरहेका छन् ।

२०७२ सालमा ५०० जती ब्रोइलर कुखुराका चल्लाबाट व्यवसायिक क्षेत्रमा प्रवेश गरेका युवाले कुखुरा पालनसंगै माछापालन गरेर राम्राे आम्दानी गरिरहेका छन् ।

३ हजार क्षमताको उनको फर्ममा ब्रोइलर कुखुराको लागि  आधुनिक प्रविधिबाट दाना, पानीको व्यवस्था गरिएकाे छ । हाल बिक्रि गर्नको लागि १ हजार चल्ला तयार हुदैछन् । ४५ दिनमै तयार हुने कुखुराको लागि सबै खर्च कटाइ १ लाख ८५ हजार खुद नाफा गर्नेमा ढुक्क छन् । ४५ दिनपछि फेरि कुखुराका नयाँ चल्ला हाल्न सुरु हुनेछ ।

त्यस्तै, माछा पालनको लागि १ विगाहा क्षेत्रफलमा रहेका ५ वटा पोखरीबाट वार्षिक ७ लाख खुद नाफा गरेकाे गर्विलो उदारण पेश गरेका छन् । उनको माछा विशेषगरि काठमाण्डौ र पोखरा आपुर्ति हुनेगर्छ ।

उनको फर्ममा रोजगारी दिएका चेपाङ समुदायकी महिलाको ११ जनाको परिवार पालिएका छन् । आँफुले रोजगारी दिएको व्यक्तीबाट एउटा सिंगो पारिवार पालिएको देख्दा कामबाट समेत आत्मसन्तुष्टि मिलेको शोभाखर सुवेदि (नविन) को भनाइ रहेको छ ।
#PRD800213 #PardarshiOnline