माडी नगरपालिका-६ शिवराजपुर टाेल कि निरूता माझी जलेकाे घर बनाउन नसक्दा घरबार विहीन भएर माइतमा बस्दै आएकि छन् ।
गत कार्तिक महिनामा शुभ-दिपावलीकाे साँझमा मैनबत्ति बालेर घर बाहिर निस्कंदा सल्किएकाे आगाेले उनकाे खरकाे छानाे र बाँसले बारेकाे घर क्षतिग्रस्त बन्याे । घरमा रहेका अन्न अनाज र कपडाहरू समेत जलेर नष्ट भए । आँफू बस्दै आएकाे घर जलेपछि उनिसंग रेडक्रसले दिएकाे त्रिपाल र भाँडाकुँडा बाहेक सम्पत्तिकाे नाममा केही पनि रहेन ।
माडी नगरपालिका वडा नं. ६ काे कार्यालय, माडी नगरपालिका या अन्य कुनै दाताकाे सहयाेग बिना उनकाे घर बन्ने स्थिति नै रहेन । टिनकाे छानाे पाउने आसमा पटक पटक वडा कार्यालय धाउँदा पनि कुनै पहल नभएपछि माडी-३ रतनीमा श्रीमान सहित माइतिमा बस्न थालेकाे स्थानियले बताएका छन् ।
शिवराजपुर गाउँकाे सुकुम्बासी बस्तिमा १२ घर परिवार विगत ७ वर्षदेखि बाँदरमुढे खाेला छेउमा बस्दै आएका छन् । खरकाे छानाे र बाँसले बारेकाे घरमा बस्दै आएका उनिहरू व्यक्तिगत सहयाेगदाताले बनाएका दुईवटा शाैचालय र सामुहिक धाराे प्रयाेग गर्न बाध्य छन् । भने विधुत उपभाेग बाट समेत बञ्चित छन् ।
तर, माडी-६ का वडाध्यक्ष दिपेन्द्रराज पाैडेलले उक्त बस्तिका घर परिवारले बसाइँसराइकाे कागजात नल्याएकाेले खरकाे छानाे विस्थापित, गरिबी सिफारिस लगायतका कार्यक्रममा जाेड्न नसकिएकाे बताउनुभयाे । #PRD8110282