प्रवासी चितवन बहुउद्देश्यीय सहकारी संस्था लिमिटेड ले सञ्चालन गरेकाे रक्तदान कार्यक्रममा ९२ जना पुरुष र ११ जना महिला सहित १०३ जनाले रक्तदान गरेका छन् ।

प्रवासबाट फर्किएका युवाहरुले स्थापना गरेको सहकारी संस्थाले श्रावण ४ गते आफ्नो कार्य संचालन शुभारम्भ गरेको दिनको अवसर पारेर बृहत् रक्तदान कार्यक्रम गर्दै आफ्नो प्रथम स्थापना दिवस समेत मनाएको हाे ।

भरतपुर अस्पताल रक्तसञ्चार केन्द्रको प्राङ्गणमा सम्पन्न रक्तदान कार्यक्रममा भरतपुर महानगरपालिका वडा नं – १२ का वडाध्यक्ष लेखराज पन्तकाे प्रमुख आतिथ्यता र सहकारी संस्था लि. का समेत सल्लाहकार एवं गैर आवासिय नेपाली संघका सल्लाहकार सोमनाथ सापकोटा, सुरक्षित आप्रवासन (सामी) का संयोजक सुरेस भन्डारी, भरतपुर महानगरपालिका रोजगार शाखा केन्द्र का प्रमुख सन्देश वाग्ले, रिटर्नी संजाल वाग्मती प्रदेश कमिटी उप- सचिव इन्द्र प्रसाद न्याैपाने, लगायत सेयर सदस्य तथा रक्तदाताहरुकाे उपस्थिति रहेको थियो। #PRD800405