माडीकाे परशुराम धाममा २७ फिट अग्लाे परशु (बञ्चराे) स्थापनाकाे लागि छरछरेधाममा एकादशी पर्वकाे अवसर पारि मंगलबार शाेभा यात्रा सहितकाे प्रदर्शन गरिकाे छ ।
माडी नगरपालिका-१ स्थित पाँचपाण्डव, अष्टभूज शिवमन्दिर, ब्रह्मकुण्ड, गोद्धकनाथ मन्दिर, स्वर्णखानी, च्यवनऋषि आश्रम सहित नेपालकै ठुलाे २७ फिट अग्लाे परशु सहितको उद्यान क्षेत्रहरूलाई समेटेर परशुराम धाम क्षेत्र स्थापनार्थ मंगलबार शाेभा यात्रा सहित प्रदर्शन गरिएकाे परशुराम धाम एवं अष्टभूज शिवमन्दिर पूजा अनुष्ठान समितिका संयाेजक पण्डित रामजि सापकाेटाले बताउनुभयाे ।
अबकाे करिब २ महिना भित्रमा परशु स्थापनाकाे सम्पुर्ण काम सकि औपचारिक उद्घाटन गरिने उहाँले बताउनुभयाे । काठमाडौंबाट मुर्तिकार दिनेश्वर महताेकाे टिमले ८ फिट उचाई, ७ फिट चाैडा र २ फिट माेटाइ भएकाे परशु (बञ्चराे) तयार गरि एकादशीकाे दिन छरछरेधाम परिक्रमा गरिएकाे हाे । हाल परशुकाे बिंड र परशु राख्ने जग तयारीकाे काम जारी छ ।