व्यवसायीक क्षेत्रमा चिरपरिचित दिपक भण्डारीलाई सायद नचिन्ने कमै होलान् । बिगत ७ बर्षदेखि उहाँ व्यवसायीक क्षेत्रमा आबद्ध हुनुहुन्छ ।
उहाँको स्थायी घर हाल उर्लाबारी ७ मोरङमा रहेको छ । उहाँले आफ्नै नामको दिपक सप्लायर्स संचालन गर्दै आइरहनुभएको छ ।
बिदेश जाने इच्छा भएपनि आफ्नै देशमा केही गर्नुपर्छ भन्ने अभिलाषा राखेर उहाँले व्यवसाय संचालन गर्नुभएको हो । व्यवसायमा अनेकौं चुनौती संगै सम्भावना समेत रहेको उहाँको भनाइ छ ।
उहाँ आफैं किसान भएकाले समेत कृषि कर्ममा समेत आफूलाई क्रियाशिल बनाउदै मकै गोडमेलका लागि हाते औजार, मकै छोडाउने मेसिन, कृषि हलो, बाताबरणमैत्री ब्रेन्ची, मल लगाउने प्रविधि, जंगली जनावर धपाउने ध्वनि यन्त्र, वायो स्याण्ड फिल्टर आदि बनाउदै बिक्रीवितरण समेत गर्दै आउनुभएको छ ।
हालैमात्र चितवन उद्योग संघको आयोजनामा संचालित नवौं अन्तर्राष्ट्रिय औद्योगिक प्रदर्शनीमा समेत उहाँले आफ्नो स्टल राख्नुभएको थियो ।
कृषि पेशालाई राज्यले आत्मनिर्भर मात्र नभई रोजगारी, जीबिको पार्जन अर्थोपार्जनको रूपमा यस पेशालाई बिकास गराउनुपर्ने धारणा राख्नुभयो ।
राज्यले नै किसानका लागि सहुलियतपूर्ण ऋणको व्यवस्था, खेतीयोग्य जमिनको संरक्षण, बजारीकरणको व्यवस्था, बजार मूल्यमा एक रुपता आदिमा जोड दिनुपर्ने उहाँको भनाइ थियो ।
