माडीको महत्वपूर्ण ऐतिहासिक धार्मिक एवं पर्यटकिय स्थल साेमेश्वरगढि पुग्ने सडकको कालोपत्रे तथा ढलानको काम निर्धारित समयभन्दा ८ महिना अघि नै सम्पन्न हुने देखिएकाे छ ।
माडी-५ को छरछरेबाट सोमेश्वरगढिको पार्किङ स्थलसम्म पुग्ने ६ मिटर चौडा सडक ३३७० मिटर भुईँ ढलान र नाला निमार्ण कार्य २०८१ जेष्ठ २१ गते प्रारम्भ भई २०८२ जेष्ठ २० गतेभित्र सम्पन्न गरिसक्नुपर्ने समयसिम रहेको थियो ।
बागमति प्रदेश सरकारको भौतिक पूर्वाधार विकास मन्त्रालयद्धारा विनियोजित ८ करोड ६७ लाख बजेटमा बोलपत्र आव्हान भई भरतपुर–४ को एम एस डायनामिक कन्स्ट्रक्सनसंग ६ करोड ४५ लाख ९४ हजार ७२५ (मु.अ.क सहित) मा सम्झौता भएको थियो ।
त्यस्तै, सोमेश्वरगढि पुग्न माडी ५ को सशस्त्र प्रहरी बल सिमा सुरक्षा पोष्ट छरछरे पुग्ने ५.५ मिटर चौडा सडक ६०० मिटर कालोपत्रे भइसकेको छ । माडी ५ को छरछरेबाट सोमेश्वरगढि पुग्ने पक्की सडक निर्माणको लागि बहुवर्षिय योजना अन्तर्गत सो सडक निर्माण भएको हो । #PRD810618