माडीकाे ब्रह्मपुरीमा यसवर्ष पनि माडी भलिवल महाेत्सव सञ्चालन हुने भएकाे छ ।

ब्रह्मपुरी भलिबल क्लबकाे आयाेजनामा सञ्चालन हुने तेस्राे संस्करणकाे माडी भलिवल महोत्सव – २०८१ सञ्चालन गर्न आवश्यक तयारी थालिएकाे ब्रह्मपुरी भलिवल क्लबका अध्यक्ष गाेविन्दराज पाेख्रेलले बताउनुभयाे ।

खेल महाेत्सव अन्तरगत माडीका प्रत्येक (९ वटा) वडाबाट चारवटा टिम (कुल ३६ वटा) सहभागी हुनेछन् । जस अन्तर वडा पुरुष भलिवल प्रतियोगिता, पुरुष भेट्रान भलिवल प्रतियोगिता, मा. वि स्तरिय पुरुष भलिवल प्रतियोगिता र महिला भलिवल प्रतियोगिता सञ्चालन हुनेछन् ।

आउँदाे मंसिर २८ गतेबाट ३० गतेसम्म सञ्चालन हुने माडी भलिवल महाेत्सव माडी-५ ब्रह्मपुरी स्थित देउराली डाँडा परिसरकाे खेलमैदानमा सञ्चालन हुनेछ ।