चितवन स्वरोजगार निर्माण संघको अध्यक्षमा पुनः कृष्ण बहादुर पौडेल दोहोरिनुभएको छ ।
शनिबार भएको एघारौं अधिबेशनबाट पुनः पौडेल सर्वसम्मतिले चुनिनुभएको हो । यसैगरी उपाध्यक्षमा टेकबहादुर बस्नेत र मेवालाल राउट सचिबमा गौतम बहादुर नेपाली सहसचिवमा रिदम पौडेल कोषाध्यक्षमा शुक्रबहादुर मिजार चुनिनुभएको छ ।
सदस्यहरुमा राम बहादुर मगर, छत्रबहादुर गुरुङ, नारायण मल्ल, भरत बहादुर सार्की, रिता कुमाल, सरस्वती कुमाल र नारायण बिक सहित १३ सदस्यीय नयाँ कार्यसमिति बनेको हो । त्यस्तै लेखा समितिको संयोजकमा श्यामकृष्ण श्रेष्ठ चुनिनुभएको छ ।
वि.स. २०७० साल असोज १५ गते स्थापना भएको सो संस्थाले श्रमजीवी मजदुर तथा कामदारको पक्षमा आवाज वकालत गर्दै मजदुरका हकहित र अधिकार कार्यान्वयनमा जोडदिदै आएको छ । कामदारको दुर्घटना विमा, घाइते तथा मृतकका परिवारलाई उपचार र राहत प्रदान गर्दै आएको संस्थाका कोषाध्यक्ष शुक्र बहादुर मिजारले जानकारी दिनुभयो ।
अहिले हाल चितवनमा नविकरण सहित ३०६ जना श्रमिक मजदुर तथा कामदार चितवन स्वरोजगार निर्माण संघमा आबद्ध रहेका छन् ।