सौराहामा आयोजित ‘सेभेन ए साइड’ महिला फुटबल प्रतियोगितामा बसन्तपुर युनाइटेड क्लब, माडीका महिला खेलाडीहरुले सहभागीता जनाउने भएका छन् ।

भोलि (बुधबार) बाट सौराहामा सञ्चालन हुन लागेको १९ औं सौराहा फुट फेस्टिबल-२०८१ को अवसरमा प्रथम रेवान सेभेन ए साइड महिला फुटबल प्रतियोगिता सञ्चालन हुँदैछ । भोलिको समुद्धघाटन खेलमा हेटौंडा फुुटबल एकेडेमी, मकवानपुरले बसन्तपुर युनाइटेड क्लब, माडीको सामना गर्ने बसन्तपुर युनाइटेड क्लब, माडीका टिम कोच गोविन्द बहादुर राइले बताउनुभयो ।

सौराहामा आयोजित सेभेन ए साइड महिला फुटबल प्रतियोगितामा माडीको प्रतिनिधित्व गर्दै बसन्तपुर युनाइटेडका महिला खेलाडीहरु विजयी हुने आत्मविश्वासका साथ तयारी अवस्थामा रहेको टिम म्यानेजर समिर लामिछानेले बताउनुभयो ।

रेवान सौराहा, चितवनको आयोजनामा प्रणय दिवस (भ्यालेन्टाइन डे) को अवसर पारी आयोजित फुट फेस्टिबल भोलि माघ ३० गतेबाट सुरु भई फागुन ३ गतेसम्म चल्नेछ ।

महिला फुटबल प्रतियोगिताको विजेताले नगद रु. ३० हजार र उप–विजेताले नगद रु १५ हजार को साथमा ट्रफि, मेडल र प्रमाणपत्र प्राप्त गर्नेछन् । #PRD8110293 Basantapur Utd Club