‘जहाँबाट आतिथ्यको सुरुवात हुन्छ’ भन्ने मूल मन्त्रसहित नेपाली हस्पिटालिटी क्षेत्रमा अग्रणी होटल पौवाले चितवनको भरतपुरमा आफ्नो १६औं शाखा औपचारिक रूपमा सञ्चालनमा ल्याउन लागेको छ।
शाखा उद्घाटनसँगै कात्तिक २७, २८ र २९ गतेसम्म तीन दिन नेपाली खाना प्रवर्द्धन कार्यक्रम — फुड एक्जिबिशन — आयोजना गरिने भएको छ। देशभरका पौवा शाखाबाट आएका सेफहरूले आफ्ना परिकार प्रदर्शनीमा प्रस्तुत गर्नेछन्।
उद्घाटन समारोहका लागि करिब ४० हजार पाहुनालाई निमन्त्रणा गरिएको छ। नयाँ शाखामा लक्जरी कोठा, विवाह तथा कर्पोरेट कार्यक्रमका लागि विशाल हल, आकर्षक रेस्टुरेन्ट र पार्किङ सुविधा रहेका छन्।
रुपन्देहीको सालझण्डीबाट सुरु भएको पौवा अहिले देशभर १६ शाखा र १,००० भन्दा बढी रोजगारीका साथ विस्तार भइरहेको छ। नेपाली स्वादलाई विश्वस्तरमा पुर्याउने ‘मिशन १०० पौवा होटल’ अभियानले चितवनबाट नयाँ अध्याय सुरु गरेको अध्यक्ष दुर्गाप्रसाद भण्डारीले बताउनुभयो।