माडी नगरपालिकाले जग्गा नपाउँदा फाेहाेर व्यवस्थापन केन्द्र (ल्याण्डफिल साइट) बन्ने प्रकृया अघि बढ्न सकेकाे छैन । माडी नगर भित्रका फाेहाेरलाई व्यवस्थित गर्न आवश्यक कम्तिमा ५ बिघा जग्गा खाेजि गरेपनि समुदायस्तरबाट सहयाेग नहुँदा ल्याण्डफिल साइट बन्न नसकेकाे हाे ।
निजि वा सार्वजनिक जग्गा जुनसुकै भएपनि ल्याण्डफिल साइट बनाउने भनेपछि त्यस क्षेत्रका स्थानियले विराेध गर्ने गरेकाे र उचित ठाउँमा फाेहाेर व्यपस्थापनकाे लागि जग्गा दिन समुदायस्तर बाट नै स्वीकृत प्राप्त नहुँदा ल्याण्डफिल साइट बन्न नसकेकाे माडी नगरपालिकाका याेजना शाखा प्रमुख शिव प्रसाद सुवेदिले जनाउनुभयाे ।
माडी नगरपालिकाले ल्याण्डफिल साइटकाे पहिचान र प्रकृयाकाे लागि आर्थिक वर्ष २०७७/०७८ मा ८० लाख बजेट छुट्याएपनि जग्गाकाे पहिचान हुन नसक्दा साे शिर्षककाे रकम प्रयाेगविहिन बनेकाे हाे ।
फाेहाेर व्यवस्थापन केन्द्र भन्ने बित्तिकै दुर्गन्ध फैलिन्छ भन्ने साेचका कारण माडीका कुनैपनि वडाका स्थानियले जग्गा दिन नचाहने र सबैले अन्तै ठाउँमा भैदिए हुन्थ्याे जस्ताे गर्नाले ल्याण्डफिल साइट बन्न नसकेकाे सुवेदिकाे भनाइ छ ।
हामीले प्रत्येक घरमा जसरी सेफ्टि टंकि बनाएका छाैं , फाेहाेर व्यवस्थापन गरेका छाैं त्यसरी नै ल्याण्डफिल साइट पनि बाहिर दुर्गन्ध नफैलिने र वातावरणमा असर नपर्ने गरि निर्माण गरिने कुरा स्थानियले बुझिदिए ल्याण्डफिल साइट बन्ने प्रकृया छिट्टै अघि बढ्ने सुवेदिले जनाउनुभयाे ।
#PRD800226
