बागमती प्रदेशसभा सदस्य ठाकुर प्रसाद ढकालले आ.व. २०८०/०८१ का लागि बागमती प्रदेश सरकारद्वारा प्रस्तुत निति तथा कार्यक्रममा माडीको बघौंडा अस्पताललाई प्रादेशिक अस्पताल बनाउन पहल र बजेट बिनियोजन गर्नुपर्ने बताउनुभएको छ ।
देशको अर्थ बिकासको लागि एग्रोकल्चर, टुरिजम, हाइड्रोपावर र जडीबुटी खेती यसका मुख्य स्रोतहरु भएको हुँदा यसलाई ध्यानमा राखेर काम गर्न सबैमा प्रदेश सांसद ढकालको सुझाव छ ।
त्यस्तै उहाँले माडीमा रहेका होमस्टेहरूको प्रदेश सरकारले थप प्रबर्द्धन गर्न र शिक्षा र कृषिका कार्यक्रमलाई ब्यवहारिक बनाउन सबै माननीयहरूले जिम्मेवारी लिनुपर्नेमा जोड दिनुभएको छ ।
साथै उहाँले बिरोधका लागि बिरोध मात्र गर्ने होइन । तर जनताले देख्नेगरी बिकास र जनताको काम गर्न सकेमा मात्र जनताले बिश्वास गर्ने उहाँको भनाइ थियो । शिक्षा, स्वास्थ,कृषि र रोजगारीलाई प्रमुख एजेन्डा बनाएर सुधारको नितिसंगै प्रदेशले ल्याउने बजेटमा थोरै भएपनि युवालाई रोजगारी दिने निति र अभियानको थालनी बसाल्नुपर्ने बताउनुभयो । #PRD800220
