माडी नगरपालिका – ८ खरकट्टा कि पावर्ती बि.क. । उहाँ सानो छँदा बुवाले मुर्ति बनाएको हेरेर बस्नुहुन्थ्यो । बुवाले ढुङगालाई कुदेर भगवानको आकृतिमा परिणत गरेको देख्दा उहाँलाइ रमाइलो लाग्थ्यो र बुबासंगै बसेर आकृतिहरु हेरेर बसिरहनुहुन्थ्यो ।

१० वर्षको छँदा ढुङ्गा र सिमेन्ट खेलाउँदै स–साना औजारहरु प्रयोग गर्दै उहाँले बुबाको सिको गर्न थाल्नुभयो । आज ३८ वर्ष पुग्दा पार्वती बि.क. एक उत्कृष्ट कला भएको महिला मुर्तिकारको रुपमा माडीसंगै देशका विभिन्न जिल्लामा मुर्ति बनाएर छुट्टै पहिचान बनाउनुभएको छ ।

शिव, पावर्ती, गणेश, लक्ष्मी, दुर्गा लगायतको देवी देवताको मुर्ती र बाघ, गैडा, मानवको मुर्ती बनाउन उहाँ पोख्त हुनुहुन्छ । धरानदेखि माडीको सोमेश्वर देखि रेवा त्रिवेणी धाम हुँदै विभिन्न शिवालय र दुर्गाको मन्दिरमा उहाँले बनाउनुभएको मुर्ति राखिएका छन् । उहाँका दुइ छोरामध्ये कान्छो छोरालाई एक उत्कृष्ट मुर्तीकार बनाउने उहाँको चाहना छ ।
यसै विषयमा रहेर पारदर्शी अनलाइनका प्रेम पौडेल उज्ज्वलले उहाँसंग गर्नुभएको भलाकुसारी ।
मुर्तीको लागि उहाँको सम्पर्क नम्बर: [9808377448, 9804264986] या हाम्राे सम्पर्क नं. 9821887166 मा खबर गर्न सक्नुहुनेछ ।