माडी नगरपालिकाकाे कार्यपालिकाकाे बैठकले महत्वपूर्ण निर्णयहरू पारित गरेकाे छ । ती हुन् ।

• इलाका हुलाक कार्यालय, बघौडाको स्तरोन्नती गरिने
माडीकाे हुलाक कार्यालय, बघौडाको स्तरोन्नती गरिने भएकाे छ । अधिकांश सरकारी कार्यालय माडी बसन्तपुरमा रहेको र बढीजसो पत्राचार सरकारी कार्यालयको हुने हुँदा बघौडा अतिरिक्त हुलाक कार्यालयलाई इलाका हुलाक कार्यालयमा स्तरोन्नती गरिदिन सम्बन्धित निकायमा पठाउने तथा कार्यालय भवन नगरपालिकाले उपलब्ध गराउने निर्णय भएकाे हाे ।

•  विपन्न लाभग्राहीको आवास निर्माण गरिने
माडी नगरपालिका वडा नं. ९ मा अति विपन्न परिवारकी वृद्ध आमा तुलसीमाया दुराको घर निर्माण गरिदिने माडी नगर कार्यपालिका बैठकले निर्णय गरेकाे छ ।

आर्थिक अवस्था नाजुक रहेको आमा तुलसीमायम दुराकाे साथमा रहेका २ छोराहरु सुस्त मनस्थितीका भएको भनि वडा कार्यालयको सिफारिस बमोजिम अहिले भएको घरको सट्टामा नगरपालिका मार्फत् विपन्न नागरिकको आवास निर्माण शिर्षकबाट लागत अनुमान बमोजिमको घर निर्माण गरिदिने निर्णय पारित भएकाे छ ।

त्यस्तै, वडाबाट सिफारिस गरिएका तर सुरक्षित नागरिक आवास अन्तर्गत खरको छानो विस्थापित कार्यक्रमबाट वैकल्पिकमा पारिएका घरहरुलाई सोही कार्यक्रमको मापदण्ड बमोजिम सम्झौता गरी काम गर्न लगाउने र सो वापत हुन आउने रकम विपन्न नागरिकको आवास निर्माण शिर्षकबाट भुक्तानी दिने निर्णय भएकाे हाे ।

• माडी-७ का १० महिने बालक उज्वल सागर काफ्ले
उपचार खर्च सहयाेग गर्ने ।
माडी- ७ जगन्नाथपुरी निवासी शिव काफ्ले तथा सरिता काफ्लेको १० महिनाका छोरा उज्वल सागर काफ्ले जन्म जात अपाङ्ग भएको र उपचारको लागि बनेपा स्थित एच्.आर.डि.सी. बाल अपाङ्ग अस्पतालमा लामो समयदेखि उपचार गराइरहेको हुँदा उपचार खर्च सहयोगका लागि रु.२०,०००/- उपलब्ध गराउने भएकाे हाे ।

• प्रधानमन्त्री रोजगार कार्यक्रम अन्तर्गत आ.व. ०८०/०८१ को लागि माडी १ देखि ९ नं. सम्मका बेरोजगार व्यक्तिहरुको प्राप्त निवेदन उपर २६१ बेरोजगारको संख्या सूचिकरण गर्ने ।