बागमति प्रदेश सभा सदस्य ठाकुरप्रसाद ढकालले चितवन राष्ट्रिय निकुञ्ज भित्रको सडकखण्ड कालोपत्रे गर्न युनेस्को र निकुञ्ज ऐन २०२९ बाधक नरहेको बताउनुभएको छ ।
पारदर्शी अनलाइनसंग कुराकानी गर्दै उहाँले युनेस्कोले सन् २०१७ अक्टोबर १९ मा पठाएको पत्रको बुँदा नं. ७ र ८ अनुसार राष्ट्रिय निकुञ्ज भित्र गर्न पर्ने काम इ.आइ.ए. गरेर अगाढी बढाउन अनुमति प्राप्त भएको बताउनुभएको हो । त्यस्तै सर्वोच्च अदालतले २०७६ मा गरेको फैसलाका अनुसार पुन: इ.आइ.ए गरेर काम अगाढी बढाउन सकिने भएकोले निकुञ्ज ऐन समेत बाधक नरहेको उहाँको भनाई थियो ।
तर इ.आइ.ए. पास भएपश्चात बाटो छेउछाउका रुखहरु काट्ने बेलामा बन मन्त्रालयले रुखहरु काट्न अनुमति दिने बेलामा केहि अवरोधहरु आउनसक्ने उहाँको अनुमान थियो ।
अब, ट्रयापिङ क्यामेरा जडान गरि फिजिबिलिटी सर्भे गरिसकेपछि हुलाकि सडक आयोजनाले त्यसको सबै कागजात सडक विभागमा पठाउने र सडक विभागले वन मन्त्रालयमा पठाइ सो फाइल मन्त्रिपरिषद बैठकमा पेश भइ निर्णय भएपश्चात निकुञ्ज भित्रको बाटो निमार्ण कार्य सुरु हुने उहाँको भनाइ थियो । तर कहिँ कतैको व्यक्तीको अभिप्रायको कारण फाइल अघि बढ्न ढिला भइरहेको उहाँको आरोप थियो ।
Advertisement
