पछिल्लो समय विभिन्न अपराधका घटनाहरु बढिरहेको हुँदा यसको निदानका लागि जिल्ला युवा समिति चितवनले पहल गरेको छ । सोहीअनुरुप शनिबार माडीका युवाहरुबिच लागुपदार्थ दुर्व्यसनी तथा साइबर क्राइम सम्बन्धी एकदिने सचेतना कार्यक्रम सञ्चालन गरेको हो ।
जिल्ला युवा समिति चितवनका अध्यक्ष रामचन्द्र लम्सालको अध्यक्षतामा भएको कार्यक्रममा माडी ७ का वडाध्यक्ष चन्द्रकुमारी बानियाँ प्रमुख अतिथि रहनुभएको थियो ।
कार्यक्रममा खासगरी अशिक्षित र अचेतनाका कारण युवाहरुमा देखिने समस्या कुलत दुर्व्यसनी, लागू औषध जस्ता अन्य अनैतिक कार्यहरुको समाधानका विषयमा प्रशिक्षण दिइएको थियो ।
माडी ७, कीर्तनपुर देवीकोटस्थित सामुदायिक भवनमा सम्पन्न भएको कार्यक्रममा सहभागीहरुलाई ईलाका प्रहरी कार्यालय माडीका प्रमुख दिपक रिजाल र सत्सङ प्रतिष्ठान नेपाल चितवनका अध्यक्ष आचार्य लक्ष्मण भण्डारीले प्रशिक्षण दिनुभएको थियो ।
समाजमा हुने यी यस्ता विविध समस्याहरुको निराकरण गरेर शुन्दर र समुन्नत समाज निर्माण गर्नु नै कार्यक्रमको प्रमुख उदेश्य हो । #PRD800220
